#Banana #Leaf #Business #Plan – பெரிய உணவகங்களில் வாழை இலை தான் பயன்படுத்தப்பட்டு வருகிறது, அந்த வகையில் முன்பெல்லாம் வாழை இலையை அப்படியே அறுத்து ஹோட்டல்களுக்கு இலை அறுப்பவர்கள் கொண்டு செல்வார்கள்.
அந்த இலையை வெட்டுவதற்கு என்று ஒரு ஆள் வைத்து இலையை டிபனுக்கு தனியாக, சாப்பாடுக்கு தனியாக என்று பிரித்து அவர் வெட்டி வைப்பார்கள், ஆனால் தற்போது நேரத்தையும், ஒரு ஊழியரையும் மிச்சப்படுத்த வெட்டிய வாழை இலையையே எதிர்பார்க்கின்றன உணவகங்கள், அந்த வகையில் இது தற்போது ஒரு பிசினசாக மாறி இருக்கிறது.
சில இடங்களில் நேரடியாக வாழை பயிர்டுபவர்களே வெட்டி உணவகங்களுக்கு சப்ளை செய்கிறார்கள், சில இடங்களில் மொத்த விலைக்கு இலையை கொள்முதல் செய்து அதை வெட்டி உணவகங்களுக்கு சப்ளை செய்கிறார்கள், பொதுவாக மொத்த விலையில் ஒரு 2000 இலை உள்ள ஒரு கல்யாண இலை கட்டு 8000 ரூபாய்க்கு கொள்முதல் செய்கிறீர்கள் என வைத்துக் கொள்வோம்.பொதுவாக ஒரு கல்யாண இலையில் குறைந்த பட்சம் ஒரு நுனி இலை, இரண்டாக கிழிக்கப்பட்ட ஒரு நடு இலை, ஒரு வால் இலை கிடைக்கும், அதாவது ஒரு இலைக்கு நான்கு இலை கிடைக்கும், அப்படி என்றால் 2000 இலைக்கு, 8,000 வெட்டிய இலை கிடைக்கும், கழிவுகள் எல்லாம் போக ஒரு 7,500 வெட்டிய இலைகள் என வைத்துக் கொண்டால் கூட ஒரு இலைக்கு 2 ரூபாய் என வைத்துக் கொண்டால் ஒரு கட்டுக்கு ரூ 15000 வருமானம் .
