சீலிங் Fan -ஐ சுத்தம் செய்ய கஷ்டமா இருக்கா.? இந்த ஈஸியான டிப்ஸ ஃபாலோ பண்ணுங்க.!

512 0

சில பொருட்களை விழா நாட்கள் அல்லது விஷேச நாட்கள் வந்தால் மட்டுமே சுத்தம் செய்வதை வாடிக்கையாக வைத்திருப்போம். அந்த வரிசையில் சீலிங்ஃபேனுக்கும் இடமுண்டு. இதற்கு காரணம் அதை துடைக்க கடினம் என்பதுதான். இருப்பினும் இந்த டிப்ஸ் உங்களுக்கு உதவலாம்.

வீட்டை நாள்தோறும் சுத்தமாக வைத்துக்கொள்வது என்பது உண்மையிலேயே சாதாரண விஷயமில்லை. எவ்வளவு பார்த்து பார்த்து சுத்தம் செய்தாலும் ஆங்காங்கே சில குப்பைகள் அல்லது தூசுகள் இருந்து கொண்டே இருக்கும். இன்னொருபுறம் சில பொருட்களை விழா நாட்கள் அல்லது விஷேச நாட்கள் வந்தால் மட்டுமே சுத்தம் செய்வதை வாடிக்கையாக வைத்திருப்போம். அந்த பொருட்களில் குப்பைகள் படிந்து, நாள்தோறும் பறந்து கொண்டு இருக்கும்.
அப்படியான பொருட்களில் ஒன்று வீட்டில் இருக்கும் சீலிங் பேன். அதனை நாள்தோறும் சுத்தம் செய்ய மாட்டோம் அல்லது செய்ய இயலாது. விஷேச நாட்களில் மட்டுமே சுத்தம் செய்யப்படும் பொருள் என்பதால், அதில் தூசுகள் நிறைந்திருக்கும். உடனடியாக நீக்குவதற்கும் கடினமாக இருக்கும். இந்த சிரமத்தை எதிர்கொள்பவர்களுள் ஒருவராக நீங்களும் இருந்தால், அதனை ஈஸியாக சுத்தம் செய்வதற்கான டிப்ஸை இங்கே தெரிந்து கொள்ளுங்கள்.
தலையணை உறை : சீலிங் பேனை தூசுகள் பறக்காமல் அல்லது முகத்தின் மீது விழாமல் சுத்தம் செய்ய ஏதுவான ஒன்று தலையணை உறைகள். நீங்கள் சீலிங் பேனை சுத்தம் செய்ய முடிவெடுத்த பிறகு, வீட்டில் இருக்கும் பழைய தலையணை உறையை எடுத்துகொள்ளுங்கள். அதற்கு முன்பாக உங்கள் முகத்தில் முகக் கவசம் அணிந்து கொள்ள வேண்டும். பின்னர், சீலிங் பேனின் இறக்கைகளை தலையணை உறையால் கவர் செய்து கொள்ளுங்கள். இறுக்கமாக அந்த உறையை இறக்கையை சுத்தம் செய்யுமாறு பிடித்துக்கொண்டு மெதுவாக உறையை வெளியே இழுங்கள். தற்போது சீலிங் பேனின் இறக்கைகள் மீது இருக்கும் தூசிகள் தலையணை உறைக்குள் இருக்கும். சீலிங் பேனும் சுத்தம் செய்யப்பட்டிருக்கும்.
வேக்யூம் கிளீனர் (Vacuum Cleaner) : ஏதாவதொரு சந்தர்பத்தில் வேகம்யூம் கிளீனரை கண்டுபிடித்தவருக்கு நாம் அனைவரும் நன்றி சொல்ல கடமைப்பட்டிருக்கிறோம். இதன் மூலம் நம் கிளீன்ங் வேலை மிகவும் சுலப்படுத்தப்பட்டிருக்கிறது. வேக்யூம் கிளீனரைக் கொண்டு உங்களுடைய சீலிங் பேனை சுத்தம் செய்யலாம். மிகப்பெரிய குச்சியில் வேக்யூம் கிளீனரை இணையுங்கள். முகத்தை நன்றாக மூடிக்கொண்ட பிறகு, வேக்மயூம் கிளீனரை பயன்படுத்தி சீலிங் பேனை சுத்தம் செய்யுங்கள். பேன் இறக்கைகள் மீது இருக்கும் தூசுகள் காணாமல் போய் இருக்கும்.
சாக்ஸ் ( Socks) : உங்களிடம் பழைய சாக்ஸ்கள் இருந்தால் அதனை தூக்கி எறிந்துவிட வேண்டாம். கிளீனிங் வேலை நடைபெறும் நாட்களில் சீலிங் பேன்களை சுத்தம் செய்ய உபயோகமாக இருக்கும். முதலில் பழைய சாக்ஸ் ஒன்றை எடுத்துகொள்ளுங்கள். அதனை நீரில் நனைத்த பிறகு சாக்ஸை சீலிங் பேனின் இறக்கை மீது வையுங்கள். சாக்ஸின் இரண்டு முனைகளையும், தங்களது இரு கைகளால் பிடித்துக்கொண்டு மெதுவாக தூசியை சுத்தப்படுத்துங்கள். சீக்கிரம் சீலிங் பேன் சுத்தமாகும்.
காப்வெப் பிரஷ் (Cobweb Brush) : காப் வெப் பிரஷ் அல்லது ஸ்பைடர் பிரஷ் எல்லோருடைய வீட்டிலும் நிச்சயமாக இருக்கும். இந்த பிரஷ் இருந்தால் சீலிங் பேனை ஈஸியாக சுத்தம் செய்துவிடலாம். ஏனென்றால், சிலந்தி வலையைப் போல் இந்த பிரஷ்ஷின் அமைப்பு ரவுண்டாக விரிதிருக்கும் என்பதால், ஒட்டடை மற்றும் தூசுகளை சுத்தம் செய்வதற்கு எளிமையாக இருக்கும். நீளமான குச்சி ஒன்றின் முனையில் இந்த பிரஷ்ஷைக் கட்டிவிடுங்கள். மூக்கு மற்றும் வாய்ப்பகுதியை துணியால் மூடிக்கொண்ட பிறகு, அந்தக் குச்சியை கொண்டு சீலிங் பேனின் இறக்கைகளை சுத்தம் செய்யுங்கள்.
இதுநாள் வரை சீலிங் பேனை சுத்தம் செய்ய கஷ்டப்பட்டு கொண்டிருந்தீர்கள் என்றால், இந்த டிப்ஸ் உங்களுக்கு உபயோகமாக இருக்கும்.

Related Post

காசு கொடுத்தா என்ன வேணும்னாலும் செய்வீங்களா..? அனிதா சம்பத்தை வறுத்தெடுக்கும் நெட்டிசன்கள்

Posted by - March 12, 2024 0
உலக நாயகன் கமல்ஹாசன் தொகுத்து வழங்கிய பிக் பாஸ் நிகழ்ச்சியின் மூலம் மக்கள் மத்தியில் பிரபலமடைந்த அனிதா சம்பத் தற்போது அதே மக்களால் வறுத்தெடுக்கப்பட்டு வருகிறார். பிரபல…

முருங்கைக் கீரையை வெச்சு அடுத்தமுறை இப்படி குழம்பு செய்யுங்க.. குழந்தைங்க விரும்பி சாப்பிடுவாங்க…

Posted by - August 29, 2023 0
வாரம் ஒருமுறை கீரையை உணவில் சேர்ப்பது உடலுக்கு மிகவும் நல்லது. ஏனெனில் கீரையில் உடலுக்கு வேண்டிய இரும்புச்சத்து, கண்களின் ஆரோக்கியத்திற்கு தேவையான வைட்டமின்கள் அதிகமாக உள்ளன. மேலும்…

உங்க உடலில் இந்த மாதிரி துர்நாற்றம் வந்தால் டயபடீஸ் அறிகுறியாக இருக்கலாம்.. உஷாராக இருங்கள்..!

Posted by - March 1, 2024 0
ரத்தத்தில் சர்க்கரை அதிகரிப்பு மற்றும் டயாபடீஸுக்கான அறிகுறிகளை கண்டறிவது சற்று கடினமான காரியம் தான். டயாபடீஸ் பிரச்சனையால் பாதிக்கப்பட்டுள்ள நபர்களுக்கு ஒரு விதமான துர்நாற்றம் குறிப்பாக சுவாசிக்கும்…

4, 5 நாள்ல.. வேலையை காட்டிய Nothing Phone 2a.. திடீர்னு கருப்பாக மாறும் டிஸ்பிளே.. கதறும் கஸ்டமர்ஸ்!

Posted by - March 21, 2024 0
ஒரு பேச்சுக்காக சொல்லவில்லை.. உண்மையாகவே நத்திங் போன் 2ஏ ஸ்மார்ட்போனின் இந்திய விற்பனை தொடங்கியதும், மக்கள் “அடித்து பிடித்து” ஆர்டர் போட்டனர். நத்திங்கின் கூற்றுப்படி 1 மணி…

தெறிக்கும் இசை.. உச்சபட்ச ஸ்டைலில் ரஜினி.. 170வது படத்தின் தலைப்பு வீடியோ!

Posted by - December 12, 2023 0
சூப்பர் ஸ்டார் ரஜினிகாந்தின் அடுத்த படத்தின் பெயர் குறித்து அறிவிப்பு வெளியாகியுள்ளது. சூப்பர் ஸ்டார் ரஜினிகாந்தின் அடுத்த படத்தின் பெயர் குறித்து அறிவிப்பு வெளியாகியுள்ளது. சூப்பர் ஸ்டார்…

Leave a comment

Your email address will not be published. Required fields are marked *